Չոչի օգտակարության մասին :)

Չոչը շատ կարևոր և շատ զվարճալի փուլ է երեխայի զարգացման գործընթացում: Փոքրիկները դառնում են չոչորդ երբեմն 5 ամսականում, երբեմն էլ 1 տարեկանից հետո, իսկ երբեմն առհասարակ բաց են թողնում այդ փուլը: Չոչի համար միջին տարիք է համարվում 7 ամսականը:

❓Ինչո՞վ է օգտակար չոչը

✅Մարզում է մկանները

Չոչ անելու ընթացքում ներգրավվում են մարմնի համարյա բոլոր մկանները, մարզվում են մեջքի , ձեռքերի, ոտքերի, ազդրի մկանները: Նպաստում է մկանային տոնուսի բարելավմանը:

✅Նպաստում է ողնաշարի ամուր, գեղեցիկ և ճիշտ զարգացմանը:

✅Լավանում է շարժումների կոորդինացիան:

✅Փոքրիկը սկսում է ինքնուրույն որոշումներ կայացնել:

Երեխան պասիվ հետևողից վերածվում է ակտիվ ուսումնասիրողի: Իջնելով մայրիկի գրկից և ունենալով հարաբերական ազատություն՝ չոչորդը կարողանում է ինքնուրույն որոշումներ կայացնել, թե ուր գնալ, ինչ վերցնել:

✅Զարգանում է ինտելեկտը

Երեխան սկսում է ավելի մոտիկից ուսումնասիրել միջավայրը, սկսում է գիտակցված գործողություններ անել, ճիշտ հերթականությամբ շարժել ձեռքերն ու ոտքերը, սկսում է մտածել, թե ինչպես շարժվի, որ չվնասի ինքն իրեն, ինչն է վտանգավոր իր համար, ինչն է կարելի, ինչը՝ ոչ….

✅Զարգանում է մանր մոտորիկան

Չոչորդն ավելի շատ է շփվում տարբեր իրերի հետ, ուսումնասիրում է մանր իրեր, տարբեր ծածկույթներ, արդյունքում զարգանում է մանր մոտորիկան:

❓Ինչպե՞ս նպաստել, որ երեխան սկսի չոչ անել

✅Կարևոր է, որ նորածին բալիկը հնարավորինս շատ ժամանակ անցկացնի մեջքի վրա պառկած, իսկ հետագայում` 2-3 ամսականից, փորի վրա պառկած:

✅Շատ ժամանակ անցկացնի գետնին՝ իրեն հատկացրած ազատ հատվածում, փորի վրա պառկած, կամ նստած: Միշտ մանեժի կամ մահճակալի մեջ գտնվող երեխան դժվար թե շուտ սկսի չոչ անել:

✅Կարևոր է շարժումները չսահմանափակող, ազատ և հարմարավետ հագուստը:

✅Անհրաժեշտ է չցավեցնող ծածկույթը, որի վրա երեխան պիտի չոչ անի:

✅Կարևոր է ստեղծել անվտանգ տարածք երեխայի համար:

✅Ծնողները կարող են օգնել երեխային նաև տարբեր վարժությունների, մարզանքների միջոցով, օրինակ՝

🛀Լոգանքի ժամանակ երեխային մեջքից գրկեք, մոտեցրեք իր լոգարանի պատին, այնպես, որ երեխան հրելով հեռանա պատից:

🐸Պառկեցրեք երեխային փորի վրա, ձեռքերով բռնեք ոտնաթաթերը և թեթևակի սեղմեք դեպի մարմին, կարծես գորտի դիրք տալով երեխային, թող երեխան հրի ոտքերը ետ:

🧸Պառկեցրեք գետնին կամ անկողնու մեջ փորի վրա, իր դիմաց հետաքրքիր խաղալիք դրեք, թող ձգվի դեպի խաղալիքը

✅Պառկեցրեք մեջքի վրա, մոտեցրեք ձեր երկու ձեռքի ցուցամատերը երեխային, թող բռնվի, ձեր ձեռքերը մի փոքր դեպի ձեզ տարեք, թող երեխան փորձի ձեր ձեռքերից բռնված մոտենա ձեզ

✅Մերսեք երեխայի մարմինը, ոտքերը, զգուշությամբ, նուրբ շարժումներով:

Ի դեպ Հայ Ծնողների ակումբի նախաձեռնությամբ Հուլիսի 19-ին Հայաստանում առաջին անգամ կանկացվի չոչի մրցույթ 🙂 Մասնակցության համար տեղերը սպառվել են, բայց կարող եք գալ
մեր փոքրիկ չոչորդներին միասին ոգևորելու և ողջ ընթացքում երեխաների համար կազմակերպվող հետաքրքիր միջոցառումներին միասին մասնակցելու համար: Հուլիսի 19-ին, ժամը 19:00, Երազ Այգում

https://www.facebook.com/events/1006320376425856/?active_tab=about

Մեր մեծերի փորձը, կամ Մեզ ի՞նչ ա եղել որ….

Շատ-շատ եմ լսում նման մտքեր՝ մենք, որ երեք ամսականից խավիծ ու մաննի ենք կերել, կամ ծնված օրվանից կովի կաթ ու սոկեր խմել, մեզ ի՞նչ ա եղել որ, կամ՝ էս հարյուր տարի էր դրանք օգտակար էին, հիմա դարձան վնա՞ս, կամ՝ բա որ վնաս էր, մեր ծնողները ինչի՞ էին մեզ տալիս, թե՞ սովետի բժշկությունը ավելի վատն էր, քան հիմա, ես հիմիկվա բժիշկներին, ինտերնետի ապուշ հոդվածներին չեմ էլ հավատում…

Փորձենք որոշ չափով տալ պատասխաններ, ու հասկանալ, թե առհասարակ ինչպես ու ինչի հիման վրա է զարգանում բժշկությունը:

Փորձենք հերթով պատասխանել բոլոր հարցերին:

Նախ՝ ❓«մեզ ի՞նչ ա եղել որ» : Հավատացեք շատ բան է եղել, իհարկե վերը նշված մթերքները թունավոր չեն, որ մեր օրգանիզմին հասցրած վնասը միանգամից երևար, հակառակ դեպքում դրանք ուղղակի կարգելվեին, ոչ թե ծնողներին խորհուրդ կտրվեր ժամանակից շուտ, կամ հաճախակի չտալ բալիկներին: Հա, մենք ողջ ենք մնացել, շատերը նաև առողջ, բայց…… Իհարկե կարող է ցավոտ հնչի, բայց բժշկության զարգացման մեջ շատ մեծ դերակատարում ունի ստատիստիկան, փորձարկումները, ու բժիշկները ունենալով մեր ու մեր ծնողների հիվանդությունների պատմությունները, իմանալով, թե որ երկրում, որ սննդամթերքն են հաճախակի օգտագործում ու տվյալ երկրում ի՞նչ հիվանդություններ են գերակշռում, հետագայում փորձեր դնելով, գալիս են հետևությունների…. Ու տվյալ մթերքների, ու շատ ու շատ մթերքների վնասակարությունը պարզվել է մեր փորձով: Վստահ եմ, եթե ոչ բոլորը, գոնե մեզանից շատերը ունեն երիտասարդ ծանոթներ, ովքեր ունեն գաստրիտ, մարսողական խնդիրներ, բարձր խոլեստերին և այլն, և այլն…… Սրանց ու էլի շատ հետևանքների առաջացումը մեծ հավանականություն ունի նախորդ սերունդների փորձը անտեսելու, և նույն սխալները կրկնելու դեպքում…. Իսկ հարցին, թե՝ ❓ «բա որ վնաս էր, մեր ծնողները ինչի՞ էին մեզ տալիս», պատասխանեմ՝ բա ի՞նչ տային: Եթե այսօր կարող ենք դդումը, դդմիկը, բրոկոլին կամ ծաղկակաղամբը բլենդել ու տալ անատամ բալիկին, մեր ծնողները դրա հնարավորությունը ուղղակի չունեին, հետևաբար գտնում էին մթերքներ, որոնք հնարավոր կլիներ տալ անատամ երեխային- կաթ 🍪 փշրած պեչենիով ու մեղրով, հյութ, խավիծ, իսկ բժիշկներն էլ չունենալով հետազոտությունների արդյուքներ, ուղղակի չգիտեին տվյալ մթերքների վնասակարության մասին: Բայց էս դարում, ունենալով անսահման հնարավորություններ մեր բալիկներին առողջ սնունդ տալու, իմաստը ո՞րն է բալիկին վնաս տալով կշտացնել:

Ասկարիդոզ, Լյամբլիոզ: Ամենատարածված մակաբույծները երեխաների շրջանում

Ամեն տարի մոտ 0.8 միլիարդ մարդ ամբողջ աշխարհում հիվանդանում է ասկարիդոզով, որոնց գերակշիռ մասը կազմում են երեխաները: Վարակի հիմնական պատճառ են հանդիսանում կեղտոտ ձեռքերը, վատ լվացված սնունդը, ինչպես նաև ասկարիդի ձվերով պատահականորեն վարակված տնային գործածության իրերը: Աղիքներում հայտնված ասկարիդի հարսնյակն անցնում է արյան մեջ,  4-րդ օրը հայտնվելով լյարդում, այնուհետև վարակվելուց 1-2 շաբաթ անց արյան շրջանառության փոքր շրջանով հասնում է ալվեոլներ: Բարդ դեպքերում, եթե թոքեր են հասնում մեծ քանակությամբ ասկարիդներ, հիվանդի մոտ զարգանում է էոզինոֆիլային թոքաբորբ: Ասկարիդի հարսնյակն ալվեոլներում զարգանում է 3 շաբաթվա ընթացքում: Այդ ընթացքում հազի միջոցով անցնելով վերին շնչուղիներ, հայտնվում են բերանի խոռոչում, որտեղից էլ կուլ տալու հետևանքով արդեն բարակ աղիք: Ասկարիդները կարող են տարածվել օրգանիզմում հասնելով տասներկումատնյա աղիք, լյարդ, ենթաստամոքսային գեղձ:

Continue reading

Հայրիկի դերը երեխայի դաստիարակության և զարգացման գործընթացներում


Արդեն մի քանի տարի է, ինչ Unicef_ը պաշտոնապես հայտարարություն է ուղղում ամբողջ աշխարհին, որի միտքը հետևյալն է.
«Հայրիկները պարզապես երկրորդ ծնողը և հավելյալ ձեռքեր չեն։ Եվ եթե մենք ցանկանում ենք երեխաների համար ապահովել կյանքում լավագույն սկիզբ, պետք է ամբողջությամբ արժևորենք և օգտագործենք հայրիկների կարողությունները»։

Մեր հասարակությունը դեռևս չի թույլատրում հայրիկներին շատ մոտ կանգնել իրենց բալիկներին. օրինակ, երբ մայրիկը տանն է երեխայի հիմնական խնամքը դրված է մայրիկի ուսերին։ Մայրիկները շատ դեպքերում իրենց ամուսիններին չեն ներգրավում կենցաղային հարցերի կարգավորմանը։ Մինչդեռ հասարակ տակդիր փոխելը, երեխայի հետ զբոսանքի գնալը, լոգանքի հարցում օգնելը և նմանօրինակ կենցաղային խնդիրները միասին կարգավորելը , բացի ամուսինների հարաբերությունների վրա դրական ազդեցություն թողնելուց, բավական կարևոր են նաև հայրիկ- բալիկ հուզական կապի ամրապնդման համար։

Հետազոտությունները ցույց են տվել, որ հայրիկ- բալիկ հուզական կապի առկայությունը ամենավաղ տարիքում նպաստում է երեխայի հետագա կյանքում հայրիկի դերի, խոսքի կարևորության, բարձր դիրք զբաղեցնելու հարցերում, որն իր հերթին դրական ազդեցություն է թողնում հայրիկի ներաշխարհի և ինքնագնահատականի վրա ։

Continue reading

Անհոգ ու երջանիկ մանկություն

Картинки по запросу family

Որպեսզի ունենանք երջանիկ երեխաներ, պետք է շատ ժամանակ անցկացնել նրանց հետ, այնպես անել, որ հասուն տարիքում մանկության հիշողությունները պարուրված լինեն ջերմությամբ եւ ժպիտով։

Continue reading

Ծովափնյա հանգիստ փոքրիկի հետ: Ի՞նչ է անհրաժեշտ վերցնել փոքր տարիքի երեխայի հետ ծովափ մեկնելիս:

Ամռանը մնացել են հաշված օրեր: Փոքր տարիքի երեխաների հետ ծովափ մեկնել պատրաստվող ծնողներին կարծում եմ այս ցուցակը օգտակար կլինի  🚗✈️🚃🏖🏝 🙂

Continue reading

Երկրորդ երեխայի ծնունդ: Ինչպե՞ս խուսափել խանդից:

Շատ ծնողներ կարծում են, որ հնարավոր չի լինի խուսափել խանդից, երբ ծնվի երկրորդ երեխան: Սակայն ծնողների ճիշտ մոտեցումը թույլ կտա բացառել, կամ հնարավորինս մեղմել խանդը: Երկրորդ երեխայի ծնունդով լիովին փոխվում է ավագ երեխայի կյանքը, և ծնողների պարտքն է անել ամեն ինչ, որ այդ փոփոխությունը երեխայի համար հնարավորինս քիչ սթրեսային լինի:

❓Ի՞նչ սխալներ են ամենից հաճախ թույլ տալիս ծնողները:

Continue reading

Bullying/Բուլիինգ: Ինչպե՞ս վարվել….

Բուլիինգը կոլեկտիվի անդամներից մեկի նկատմամբ ագրեսիվ հետապնդումն է կոլեկտիվի մյուս անդամների, կամ նրանցից մեկի կողմից: Բուլիինգը հատկապես տարածված է դպրոցներում: Հաճախ հրահրողը հենց ուսուցիչն է: Այն կարող է լինել ինչպես ֆիզիկական ճնշման տեսքով, այնպես էլ հոգեբանական:

Continue reading

Ինքնագնահատական և հարգանք սեփական անձի նկատմամբ

Երեխա մեծացնելը միայն անհրաժեշտ սնունդով, հագուստով ապահովելը կամ հասարակական նորմերին համապատասխանող դաստիարակությունը չէ։

Այսօրվա 1-2 տարեկան երեխաները վաղը կերտելու են մի ամբողջ հասարակություն և մեզ համար, որպես ծնող, պետք է առաջնային լինի մեր երեխային պատրաստել այդ հասարակությունում առանց մեզ դրսևորվելուն։ Բազմաթիվ ծնողներ «դաստիարակություն» տերմինի ներքո հասկանում են միայն խստություն, «չի կարելի»-ների շարք և շատ դեպքերում էլ հենց իրենք են ինքնահաստատվում սեփական երեխայի հետ հարաբերություններում։

Continue reading

Ծնողների արձագանքը մանկական կոնֆլիկտներին

Կոնֆլիկտները մանկության անբաժան մասն են: Դրանցից մշտապես խուսափելը ու երեխային ցանկացած տեսակի կոնֆիլկտից հեռու պահելը ոչ միայն անհնար է, այլև կարող է վատ անդրադառնալ երեխայի զարգացման, հասարակության մեջ կայացման հարցում: Երեխաները շփվելով, վիճելով, հարաբերություններ պարզելով, վեճերը հարթելով, պայմանավորվելով սովորում են ապրել: Նրանք պատրաստվում են հասուն կյանքին, սովորում են աշխատել թիմում, լինել առաջնորդ, հարմարվել թիմին, կամ ընդհակաառակը՝ ընդդիմանալ: Այդ իսկ պատճառով կարևոր է հնարավորություն տալ երեխային սեփական ուժերով հաղթահարել կոնֆլիկտները, և միջամտել միայն այն ժամանակ, երբ առկա է իրական վտանգ:

Ինչպիսի՞ սխալներ են ամենից հաճախ թույլ տալիս ծնողները

Continue reading