Շատ  ուրախ իրադարձություն և իրարանցում է,  ինչպես ասում են, «առաջին անգամ առաջին դասարան» գնալը, ինչպես ծնողների, տատիկ-պապիկների, այնպես էլ վեց տարին բոլորած կամ չբոլորած փոքրիկների համար: Սակայն մեկ շաբաթ, առավելագույնը  տասը օր հետո տոնական, հուզական մթնոլորտն իր տեղը  զիջում է առօրյա հոգսերին ու ծանր աշխատանքին: Ինչպե՞ս ենք մեր երեխային պատրաստում դպրոցի, ի՞նչ պետք է երեխան կարողանա ինքնուրույն անել, ի՞նչ հմտություններ և գիտելիքներ են կարևոր դպրոց գնալու համար: Այս և նման  խնդիրներն են, որ ծառանում են ծնողի, երեխայի, ինչո՞ւ չէ, նաև ուսուցիչների և մանկավարժների առաջ:

1 տարեկանին մոտ երեխան բավականին հասկանում է խոսքը, անունին հստակ արձագանքում է (եթե երեխային անունով դիմում եք, եթե չեք դիմում և ամեն անգամ մի փաղաքշական անունով եք անվանում, ապա կարող է անունին չարձագանքել), կարող է կատարել պարզ հրահանգներ (օրինակ ցույց տուր լույսը, ոտիկդ բարձրացրու, գնդակը տուր և այլն: Իհարկե վերը թվարկվածը կանի, եթե սովորեցրել եք, մի քանի անգամ ցույց եք տվել լույսը, ոտիկ, թաթիկ անվանել եք հաճախ):
Խոսքի ընկալումը ակտիվ շարունակում է զարգանալ, երեխայի մոտ հարստանում է պասիվ բառապաշարը (երբ երեխան հասկանում է բառերի իմաստը, բայց դեռ չի արտաբերում):

Եթե երեխան 2տ և ավել է, բայց դեռ չի խոսում, կամ խոսքը ուշանում է տարիքակիցների համեմատ, ԽՆԴՐՈՒՄ ԵՄ դիմեք ձեր տեղամասային բժշկին (գոնե), պահանջեք նյարդաբանի և լոգոպեդի կոնսուլտացիա, եթե չունեն տեղամասում ապա ուղեգրելու իրավունք ունեն։ Թող ասեն նորմալ է, դեռ ժամանակ ունեք ու սպասեք։
Իսկ այն խորհրդատուները, ովքեր ասում են …….

Դադարեցրե՛ք հեռախոսով զբաղվել, երբ կերակրում եք փոքրիկին։ Ինչու՞, որովհետև
✍ 0֊1տ երեխայի համար առաջատար գործունեությունը հուզական կապն է մոր հետ, այսինքն հուզական կապի միջոցով է զարգանում երեխան՝ հայացքով կոնտակտ հաստատում, ժպտում, գղգղում, միմիկա օգտագործում տեսնելով ու ընդօրինակելով մայրիկին։ Իսկ կերակրելու ընթացքը իդեալական պահ է հուզական կոնտակտ հաստատելու համար։

Շուտով տարին փոխվում է, իսկ սա նշանակում է՝ առաջին դասարան գնալ պատրաստվող երեխաների ծնողները սկսում են պատրաստվել՝ դպրոց են փնտրում, հարմարավետ պայուսակ, գրենական պիտույքներ, հագուստ և այլն: Բայց ավելի նպատակահարմար է երեխաներին պատրաստել դպրոցին: Ինչպե՞ս, հիմա մի փոքր կգրեմ՝ ինչպես երեխային պատրաստել դպրոցին՝ ոչ թե թիվ ու տառ սովորեցնելով, այլ երեխային պատրաստել այնպես, որ հեշտ լինի սովորելը: Նախ՝ դպրոց հաճախող երեխայի մոտ պետք է զարգացնել մանր մոտորիկան, խոսքը, կոորդինացիան, ուշադրությունը, հիշողությունը, մտածողությունը, տրամաբանությունը, տարածական պատկերացումները, շփումն ու հաղորդակցումը հասակակիցների հետ, ինքնուրույնությունը և այլն: